महेन्द्रनगर -नेपाल लोकतान्त्रिक यातायात ब्यवसायी संघ कंचनपुरको जिल्ला अध्यक्षमा निराजन थापा सर्वसम्मत चयन हुनु भएको छ । नेपाली कांग्रेस कंचनपुरको पार्टी कार्यालयमा आज शनिबार सम्पन्न प्रथम अधिवेशन बाट थापाको नेतृत्वमा ११ सदस्यीय कार्यसमिती चयन गरिएको हो । कार्यसमितिको उपाध्यक्षमा नवीन भट्ट, सचिवमा पुस्करराज जोशी, कोषाध्यक्षमा गणेश खत्री चयन भएका छन ।
त्यसैगरी समितिको सदस्यमा श्रीकृष्ण भट्ट,कृष्ण दत्त भट्ट, हरि पाण्डेय र गणेश कार्की चयन भएका छन । कार्यक्रमकको प्रमुख आतिथ्यता नेपाली कांग्रेस कंचनपुरका सभापति तथा भिमदत्तनगरपालिकाका मेयर पदम बोकटी गर्नु भएको थियो ।झण्डै अढाई दशक बढि समयदेखि यातायात व्यवसाय गर्दैै आएका नेपाल लोकतान्त्रिक यातायात व्यवसायी संघ कञ्चनपुरका अध्यक्ष निराजन थापाले व्यवसायीको हकहितका क्षेत्रमा काम गर्ने प्रतिबद्धता जाहेर गरेका छन । थापाले यस अघि पवनदुत यातायात समितिको नेतृत्व गरिसकेका छन ।