महेन्द्रनगर – अमर शहिद भीमदत्त पन्तको ७२ औ स्मृति दिवस तथा भीमदत्त पन्त स्मृति प्रतिष्ठानको २४ औ बार्षिक साधारण सभा भव्यताकासाथ सम्पन्न भएको छ । शनिबार विहान कञ्चनपुर जिल्लाको भीमदत्त नगरपालिका वडा नंम्बर ४स्थीत अमर शहिद भीमदत्त स्मृति प्रतिष्ठानको भवनमा शहिद पन्तको ७२औ स्मृति दिवस भव्यताकासाथ मनाईनुका साथै विभिन्न निर्णय गर्दै प्रतिष्ठानको बार्षिक साधारण सभा भव्यताका साथ सम्पन्न भएको हो । भीमदत्त पन्त स्मृति प्रतिष्ठानका अध्यक्ष हरी जोशीको अध्यक्षतामा भएको उक्त कार्यक्रममा अतिथि तथा उपस्थीत सबैले अमर सहिद भीमदत्त पन्तको फोटोमा माल्यार्पण गरेका थिए । प्रतिष्ठानका पदाधिकारी, साधारण सदस्य, कर्मचारी, पत्रकारलगायतक विभिन्न राजनितिक दल तथा संघसंस्थाका प्रतिनिधिको सहभागिता रहेको थियो ।
कार्यक्रममा प्रमुख अतिथि पुर्व उपसभामुख सभामुख भोजराज जोशी रहेका थिए भने पूर्व सांसद पुरन दयाल, पूर्व प्रदेशसभा सदस्य महेश दत्त जोशी, नेकपा एमालेका उपाध्यक्ष जनकराज अवस्थी, नेकपा माओवादीका नेता आनन्द धामी, नेपाल पत्रकार महासंघका अध्यक्ष सुरेश धामी अतिथि थिए । अतिथिहरुले भीमदत्त पन्तको योगदानमा प्रकाश पार्दै अहिलेको अवस्थामा पनि शहिद पन्तको विचारको महत्व बढेको बताए । प्रतिष्ठानको २४औ साधारण सभाबाट आगामी बर्षमा गर्ने विभिन्न कार्ययोजना पारित गरीएको छ । कार्यक्रमको सहजीकरण प्रतिष्ठानका सचिव कर्ण बहादुर चन्दले गरेका थिए । कार्यक्रममा कोषाध्यक्ष रामचन्द्र शाह, कार्यसमिति सदस्यहरू प्रदीप राना, शारदा भट्ट, चन्द्रा अवस्थी, साथै पार्वती जोशी, खेमराज जोशी, लक्ष्मी ताम्राकार, पद्मराज जोशी, जया दमाई, तिलकप्रसाद जोशी, सुमन चौधरी, सीमा चौधरी, आरती चौधरी, धनबहादुर बोहरा,रनि बिवस, बासुदेव भट्ट,पदम सिंह खडका, मदन गिरी लगायत दर्जनौं अभियन्ताहरूको उल्लेखनीय सहभागिता थियो ।
सहिद पन्तको जन्म १९८३ साल मंसिर १० गते डडेलधुराको कारिगाउँमा भएको थियो । मात्र २७ वर्षको उमेरमा राज्य र सामन्ती व्यवस्थाविरुद्धको लडाईंको क्रममा आफ्नै मित(जिगरी दोस्त) लालबहादुर थापा र भम्भा दयालको षड्यन्त्रमा क्रूर तरिकाले टाउको छिनालेर हत्या गरिएको थियो ।
