महेन्द्रनगर–कञ्चनपुर जिल्ला स्थित भम्केनी धाममा निर्माणाधिन ७५ फिट अग्लो नेपाल आमाको मूर्ति निर्माणमा सरकारले चासो दिएको छैन् । आर्थिक बर्ष २०८२÷८३ मा प्रदेश सरकारले विभिन्न ठाँउका ससाना मन्दिर निर्माणमा बजेट विनियोजन गरेपनि जिल्लाको भीमदत्त नगरपालिका–८ स्थित चुरेफेदमा रहेको भम्केनी धाममा निर्माणाधीन ७५ फिट अग्लो नेपाल आमाको मूर्ति निर्माणमा बजेट विनियोजन गरेन् ।
नेपालका ऐतिहासिक प्रथम जगतगुरु मोहनशरण देवाचार्यले आठ वर्षअघि साविकका ७५ वटै जिल्ला चिनाउने गरी ७५ फिट अग्लो नेपाल आमाको मूर्ति निर्माणको सुरुवात गरेका थिए । मूर्ति निमार्णका लागि जगतगुरु मोहनशरण देवाचार्यले जनताको दानबाट केही धातु र नगद सङ्कलन गरे पनि सरकारबाट सहयोग नहुदा मूर्ति निर्माणमा कठिनाई भईरहेको बताए । सुदूरपश्चिम प्रदेशका मुख्यमन्त्री लगायत अधिकांस नेताहरुलाई भेटेरै मूर्ति निर्माणका लागि बजेट विनियोजन गरीदिन आग्रह गरेको भएपनि बजेट विनियोजन नगरीदिएको उनको दुखेसो छ । देशको सिमा सुरक्षाका दृष्टिकोणले महत्वपूर्ण रहेको नेपाल आमाको मूर्ति निर्माणका लागि सुरुमा रातो कितावमा समेटिएपनि अर्थमन्त्रीले बजेट भाषण गर्दा गायव पारिएको जगदगुरु देवाचार्यको दावि छ । ‘प्रदेश सरकारका मुख्यमन्त्रीलगायतका अधिकांश नेतालाई भेटेरै मूर्ति निर्माण लागि बजेट विनियोजन गरिदिन आग्रह गरेको थिएँ उहाँहरुले रातो कितावमा समेटे पनि,’ जगतगुरु देवाचार्यले भने, ‘तर अर्थमन्त्रीले बजेट भाषण गर्ने बेला आएन् बडो अचम्ममा परेमत । प्रदेश सरकारले मात्रै नभई तिनै तहको सरकारबाट सहयोग प्राप्त भएको छैन, सरकारले खासै चासो दिएनन्।’
उनले नेपाल आमाको मूर्ति निर्माणका लागि नेपालका धनाड्य व्यक्ति भम्केनी धाममा भेला गराउने बताए । अन्य ठाँउमा आफुले सूरुवात गरेका सबै काम सम्पन्न हुन लागेको उनले बताए । नेपाल आमाको पाउ सम्म निर्माण गरीएको उल्लेखगर्दै उनले अझै २५ करोड जति बजेटको आवश्यक पर्ने बताए ।
नेपाल आमाको मूर्तिले राष्ट्रलाई जोड्ने अभियान भएकाले यसको पूर्णताका लागि सबैको सहयोगको आवश्यकता रहेको उनले बताए। मूर्ति निर्माणका लागि २०७४ सालमा भ्याली कन्स्ट्रक्सनलाई रु १० करोड ८१ लाखमा ठेक्का दिइएको थियो ।
जगतगुरु मोहनशरण देवाचार्यले २०७२ साल वैशाखदेखि २०७४ माघसम्म नेपाललाई दाहिने पारेर परिक्रमा गर्दा २२ टनसम्म तामा, पित्तललगायतका धातु सङ्कलन भएका थिए। त्यसबाहेक स्थानीयले तीन टन धातु दान गरेका थिए। यही धातुबाट मूर्ति निर्माण सुरु भए पनि पर्याप्त बजेट नहुँदा निर्माण पूरा हुन सकेको छैन।
भम्केनी धाममा जगतगुरु मोहनशरण देवाचार्यले धार्मिक गतिविधि गर्न थालेपछि चहलपहल हुन थालेको हो । नेपाल आमाको मूर्ति निर्माण सुरु गरिएपछि धाममा धार्मिक पर्यटक आउने गरेका छन् ।
पाण्डवहरु वनवासको समयमा यस क्षेत्रका कुवामा पानी निकाल्दा भक्कानिएर पानी आएकाले यसलाई भम्का भनिएको र यस क्षेत्रको इतिहास महाभारतसँग जोडिएको विश्वास गरिन्छ। धाममा सुदूरपश्चिम प्रदेशका नौ वटै जिल्लाको फरक–फरक कुण्डहरु निर्माण गरिएका छन् ।
