महेन्द्रनगर असोज ४। कञ्चनपुरमा राना परिवारमा ठुलो बज्रपात परेको छ।
जिल्लाको भीमदत्त नगरपालिका ११ गड्डाचौकी पशुपती टोल बस्ने राना परिवारका बुवा– छोराको एकै दिन निधन भएपछी परिवारमा निकै ठुलो बज्रपात परेको हाे भने गाउँ पुरै शोकमा डुबेको छ
कञ्चनपुर जिल्लाको गड्डाचौकी ११ मा रहेको जलशा होटलका संञ्चालक दान बहादुर राना र उनका छोरा बिक्बी रानाको एकैदिन निधन भएको पारिवारिक स्रोतको भनाई रहेको छ । दान बहादुर राना कञ्चनपुरको भीमदत्त नगरपालिका ११ मा रहेको जलशा होटलका संञ्चालक र होटल व्यावसायी पनि हुन ।
उनका छोरा बिक्कीले पनि बुवालाई होटलमा सघाउदै आएका थिए । बिक्की बिरामी भएपछी उनलाई उपचारको लागि भारतको बरेल लगिएको थियो । यता बिक्कीका बुवालाई पनि विसन्चो भएर उपचारको लागि कैलालीको धनगढी लगिएको थियो ।असोज ३ गते बिक्कीको उपचारको क्रममा बरेली अस्पतालमा निधन भएको हो भने यता धनगढीमा उपचारकै क्रममा रहेका बिक्कीका बुवाको समेत शुक्रबार साझ निधन भएको हो । एउटै दिन बुवा छोराको निधनको भएपछी यतीबेला पुरै गाउँ शोकमा ठुबेको छ।
