समाजसेवी बोहराद्धारा पत्रकार महासंघ अध्यक्ष धामीलाई उपचार खर्च सहयोग

कंचनपुर
महेन्द्रगनर– डडेल्धुराका समाजसेवि दिपक बोहराले नेपाल पत्रकार महासंघ कञ्चनपुरका अध्यक्ष सुरेश सिह धामीको उपचारकोलागि आर्थिक सहयोग गरेका छन् । परशुराम नगरपालिका वडा नं. ९का समाजसेवि बोहराले प्यांक्रियाजको क्यान्सर रोगसंग लडिरहेका महासंघ अध्यक्षको उपचारका लागि चार हजार रुपया सहयोग गरेका हुन् । बोहराले महासंघ अध्यक्ष धामीको खातामा डाईरेक्ट रकम पठाएका छन् । ठूलो सहयोग गर्न नसकेता पनि क्षमताअनुसारको सहयोग गर्नुपर्छ भन्ने मानविय भावनाका साथ सहयोग गरेको रोजगारीको शिलशिलामा पोल्याण्डमा बस्दै आएका बोहराले बताए । भोलीको दिनमा जो कोहीलाई पनि समस्या पर्नसक्छ यस्तोमा सबैले आ आफ्नो तर्फबाट सक्दो सहयोग गर्न आवश्यक हुन्छ,’ उनले भने ‘मैले ठूलो सहयोग गर्न नसकेता पनि समस्या परेको बेला सहयोग गर्नुपर्छ भन्ने भावनका साथ सहयोग सानो भए पनि सहयोग गरेको हुँ ।’
नेपाल पत्रकार महासंघका उपाध्यक्ष धर्मारोकायाले बोहरालाई सहयोगका लागि धन्यवाद दिदै महासंघ अध्यक्षको उपचारका लागि सबैमा सहयोगको अपिल गरेका छन् । पत्रकार धामीको नेपालमा उपचार सम्भव नभएपछि भारतको दिल्लिस्थीत राजिव गान्धी क्यान्सर अस्पतालमा उपचार भईरहेको छ । नेपाल पत्रकार महासंघ कञ्चनपुरले अध्यक्ष धामीको उपचारका लागि ठुलो धनराशी खर्च लाग्ने जनाएको छ । पत्रकार महासंघ कञ्चनपुर शाखाका सचिव कुण्दन पाण्डेयले फराकिलो मन भएका सबैमा सहयोग गरीदिन हार्दिक अपिल गरेको छ ।