१
ट्रेन्डिङ
महेन्द्रनगर (कञ्चनपुर) — नेपाल डेरी एसोसिएसन सुदूरपश्चिम प्रदेशको छैठौं वार्षिक साधारण सभा तथा चौथो अधिवेशन मिति २०८२ साल पौष १९ गते धनगढीमा सुरु भयको छ
यस अधिवेशनबाट सुदूरपश्चिम प्रदेश कार्य समितिले नया नेतृत्व चयन गर्नेछ। कार्यक्रमको उद्घाटन सत्रको अध्यक्षता नेपाल डेरी एसोसिएसन सुदूरपश्चिम प्रदेशका अध्यक्ष भूपेन्द्र थापाले गर्नुभयो। उक्त अवसरमा अध्यक्ष थापाले वार्षिक प्रतिवेदन प्रस्तुत गर्दै सुदूरपश्चिममा दुग्ध क्षेत्रका चुनौती र सम्भावनाबारे आफ्ना धारणा चर्चा गर्नु यसैगरी
उद्घाटन सत्रका प्रमुख अतिथि सुदूरपश्चिम प्रदेशसभा सामाजिक विकास समितिका सभापति माननीय धर्मराज पाठकले दुग्ध उद्योगलाई धुवाँरहित उद्योगका रूपमा विकास गर्न जोड दिनु भयोको छ उपलब्ध आर्थिक स्रोतको समुचित सदुपयोग आवश्यक रहेको उल्लेख गर्दै पाउडर प्लान्ट सञ्चालन अघि स्पष्ट मोडालिटी तय गर्नुपर्ने बयाउनु भयको छ
कार्यक्रममा नेपाल डेरी एसोसिएसनका केन्द्रीय उपाध्यक्ष कर्णबहादुर हमालले सुदूरपश्चिम प्रदेशमा दुग्ध पाउडर प्लान्ट सञ्चालनका लागि ठोस पहल आवश्यक रहेको बताउनुभयो डेरी एसोसिएसनका केन्द्रीय सदस्य प्रेमप्रकाश पाठकले सरकारले दुग्धको कन्भर्जन लागतमा अनुदान दिनुपर्ने मा जोड दिनु भयो। उहाँले नेपाली दुग्ध उत्पादन गुणस्तरीय र शुद्ध भए पनि किसानले उचित मूल्य नपाएको गुनासो गर्नुभयो।
विशिष्ट अतिथि भूमि व्यवस्था, कृषि तथा सहकारी मन्त्रालयका सचिव शंकर साहले दुग्ध क्षेत्र ग्रामीण रोजगारीको प्रमुख आधार भएको बताउनुभयो। उहाँका अनुसार दुग्ध क्षेत्रमार्फत करिब १.५ करोड रुपैयाँ बराबरको आर्थिक प्रवाह सहरबाट ग्रामीण क्षेत्रमा भइरहेको छ। उहाँले उत्पादन लागत घटाउन, व्यवस्थित बजारीकरण गर्न र मूल्य श्रृंखला सुदृढ गर्नुपर्नेमा जोड दिनुभयो।
कार्यक्रममा दीर्घ सेवा सम्मान अन्तर्गत ३० वर्ष लामो सेवा योगदानका लागि डा. बसन्तबहादुर सिंहलाई सम्मान गरिएको थियो।
अधिवेशनले सुदूरपश्चिम प्रदेशमा दुग्ध क्षेत्रको दिगो विकास, किसानको आय वृद्धि र उद्योगको विस्तारका विषयमा साझा प्रतिबद्धता व्यक्त गर्दै आज नया नेतृत्व चयन गर्ने आयोजकले जनाएको छ।
