१
ट्रेन्डिङ
कंचनपुर
बैतडी जिल्लाको देहिमाण्डौमा अवस्थित निङ्गलाशैनी मन्दिरलाई मानसखण्ड क्षेत्रकै सबैभन्दा पुरानो, प्राचीन तथा ऐतिहासिक भगवती मन्दिरका रूपमा मानिन्छ। निङ्गलाशैनी भगवती स्फुटित भगवतीका रूपमा पूजित रहँदै आएकी छन् भने यहाँ वैदिक सनातन विधिअनुसार नित्य पूजा–आराधना हुँदै आएको छ। 
ऐतिहासिक अभिलेखअनुसार विक्रम संवत् १९४५ मा तत्कालीन प्रधानमन्त्री वीर शमशेर राणाको पालामा निङ्गलाशैनी मन्दिरलाई नेपाल सरकारको धार्मिक स्थलका रूपमा सूचीकृत गरिएको थियो। त्यसपछि विक्रम त् १९८४ मा प्रधानमन्त्री चन्द्र शमशेर राणाको शासनकालमा पनः अध्यावधिक गरी नेपाल सरकारमा औपचारिक रूपमा धार्मिक स्थलका रूपमा दर्ता गरिएको तथ्य पाइन्छ। उक्त दर्ता हालसम्म पनि यथावत् रहेको छ।
यस ऐतिहासिक प्रमाणले बैतडी जिल्लामा रहेका भगवती मन्दिरहरूमध्ये निङ्गलाशैनी मन्दिर सबैभन्दा पुरानो, प्राच तथा स्फुटित महामाया शक्तिपीठ भएको स्पष्ट हुन्छ। धार्मिक, सांस्कृतिक तथा ऐतिहासिक दृष्टिले अत्यन्तै महत्त्वपूर्ण यस मन्दिरप्रति स्थानीय भक्तजनहरूको गहिरो आस्था रहँदै आएको छ।
महामाया जगत जननी निङ्गलाशैनी भगवतीप्रति श्रद्धा व्यक्त गर्दै भक्तजनहरू क्षेत्रको शान्ति, समृद्धि र सबैको रक्षा कामना गर्दै आएका छन्।
