झलारीमा नगरप्रहरीहरूको दिक्षान्त समारोह सम्पन्न

कञ्चनपुर, माघ २८ गते

सशस्त्र प्रहरी बल शैलेश्वरी गण झलारीमा बेदकोट नगरपालिकाका नवनियुक्त नगरप्रहरीहरूको दिक्षान्त समारोह सम्पन्न भएको छ।
नगरपालिकाद्वारा नियुक्त नगरप्रहरीहरूले आवश्यक तालिम पूरा गरेपछि आयोजित समारोहमार्फत उनीहरूलाई औपचारिक रूपमा जिम्मेवारी प्रदान गरिएको हो।

कार्यक्रममा प्रमुख अतिथि भोज  राज बोहरा रहनु भयको थियो प्रमुख अतिथी लगायत  विशिष्ट अतिथिहरूले नवप्रहरीहरूलाई बधाई तथा सफल कार्यकालको शुभकामना व्यक्त गरेका थिए।
समारोहमा बोल्दै वक्ताहरूले नगर क्षेत्रमा शान्ति सुरक्षा कायम गर्न, ट्राफिक व्यवस्थापन सुदृढ बनाउन तथा नगरवासीलाई सुरक्षित वातावरण उपलब्ध गराउन नगरप्रहरीको भूमिका महत्वपूर्ण हुने बताएका थिए। उनीहरूले अनुशासन, इमान्दारिता र सेवाभावलाई उच्च प्राथमिकतामा राखेर कार्यसम्पादन गर्न निर्देशन दिएका थिए।
तालिम अवधिमा नवप्रहरीहरूलाई आधारभूत सुरक्षा व्यवस्था, विपद् व्यवस्थापन, ट्राफिक नियन्त्रण, कानुनी जानकारी तथा शारीरिक अभ्यास सम्बन्धी प्रशिक्षण प्रदान गरिएको जनाइएको छ।
दिक्षान्त समारोहमा सशस्त्र प्रहरी बलका अधिकारी, बेदकोट नगरपालिकाका नगर प्रमुख भोज राज बोहरा उप प्रमुख तुलशी जोशी लगायत का  जनप्रतिनिधि, कर्मचारी तथा स्थानीय सरोकारवालाहरूको उपस्थिति रहेको थियो।