१
ट्रेन्डिङ
कञ्चनपुर, — दोधारा–चाँदनी क्षेत्रमा निर्माणाधीन चारलेन पक्की पुलको प्रगति तथा केही समयदेखि रोकिएको निर्माण
कार्य पुनः सञ्चालन गर्ने विषयमा प्रतिनिधि सभा सदस्य ज्ञानेन्द्र सिंह महताको पहलमा महत्वपूर्ण छलफल सम्पन्न भएको छ।
भौतिक पूर्वाधार विकास मन्त्रालयमा आयोजित उक्त छलफलमा महाकाली पुल आयोजनाका निर्देशक थानेश्वर खत्री र निमित्त आयोजना प्रमुख नेत्र देवकोटा सहभागी थिए।
बैठकमा पुल निर्माणको हालसम्मको अवस्था, देखिएका प्राविधिक तथा प्रशासनिक अवरोधहरू, तथा ती समस्याहरू समाधान गरी कामलाई यथाशीघ्र अघि बढाउने उपायबारे विस्तृत विचार–विमर्श गरिएको थियो।
छलफलका क्रममा निर्माण कार्यलाई तीव्रता दिने, सम्बन्धित निकायबीच आवश्यक समन्वय बढाउने तथा तोकिएको समयमै परियोजना सम्पन्न गर्ने प्रतिबद्धता व्यक्त गरिएको जनाइएको छ।यसैबीच, पुल निर्माण क्षेत्र नजिकै महाकाली नदीले भुजेला खोलाको बहाव अवरुद्ध गर्दा भीमदत्त
नगरपालिका वडा नं. ११, १२ र १३ मा देखिएको डुबान समस्याप्रति पनि ध्यानाकर्षण गराइएको छ। सांसद महताले दीर्घकालीन समाधानका लागि सम्बन्धित निकायसँग समन्वय गरी प्रभावकारी निकास व्यवस्थापन गर्न सुझाव दिएका छन्।
स्थानीय जनताको प्रत्यक्ष सरोकार जोडिएको यस महत्वपूर्ण पूर्वाधार आयोजनालाई शीघ्र अघि बढाउँदै सम्भावित विपद् जोखिम न्यूनीकरणमा समेत प्राथमिकता दिनुपर्नेमा जोड दिइएको छ।
