शुक्लाफाँटा आरक्षमा हराएका १७ जना च्याउ संकलक सकुशल उद्धार, सबै घर फर्किए

धर्मा रोकाया

प्रकाशित:

Oplus_131072
96

कञ्चनपुर, साउन ४ गते
कञ्चनपुरको शुक्लाफाँटा राष्ट्रिय निकुञ्ज क्षेत्रमा च्याउ टिप्न गएका १७ जना स्थानीय नागरिक सकुशल फेला परेका छन्।

भीमदत्त नगरपालिका–१९ का १४ जना र बेलडाँडी गाउँपालिकाका ३ जना च्याउ संकलनका लागि आरक्षभित्र प्रवेश गरेका थिए। साँझसम्म पनि घर नफर्किएपछि उनीहरू हराएको सूचना प्राप्त भएको थियो। 
सूचना प्राप्त हुनासाथ जिल्ला प्रहरी कार्यालय कञ्चनपुरका प्रहरी नायब उपरीक्षक (डीएसपी) टेकबहादुर राउतको नेतृत्वमा नेपाल प्रहरी, नेपाली सेना, सशस्त्र प्रहरी बल तथा स्थानीयवासीको संयुक्त टोली परिचालन गरी शुक्लाफाँटा राष्ट्रिय निकुञ्ज क्षेत्रमा व्यापक खोजी अभियान सञ्चालन गरिएको थियो। 
खोजीका क्रममा सबै १७ जना सकुशल फेला परेका प्रहरीले जनाएको छ। प्रारम्भिक जानकारीअनुसार बेलडाँडीका तीन जनाले रुखमाथि रात बिताएका थिए भने भीमदत्त नगरपालिका–१९ का १४ जना महिलाले रुखको जरामुनि सुरक्षित रूपमा रात कटाएका थिए।उद्धार गरिएका सबैको स्वास्थ्य अवस्था सामान्य रहेको र आवश्यक समन्वयपछि उनीहरू सुरक्षित रूपमा आ–आफ्नो घर फर्किएको जिल्ला प्रहरी कार्यालय कञ्चनपुरले जनाएको छ। 
स्थानीयवासीले समयमै खोजी तथा उद्धार अभियान सञ्चालन गरी सबैलाई सकुशल उद्धार गर्न सफल भएकोमा सुरक्षा निकाय तथा सहयोगी स्थानीयप्रति आभार व्यक्त गरेका छन्।

ताजा समाचार

Load more

सम्बन्धित समाचार