१
ट्रेन्डिङ
कञ्चनपुर
महेन्द्रनगर–बेलडाडी गाउपालिका उपाध्यक्ष शान्ती नाथले मानसिक रोगबाट पिडित बालिकाको उद्धार गरेकी छन् । पछिल्लो समयमा मानसिक स्थीती कमजोर एव आर्थिकरुपमा पछाडि परेका, अतिविपन्न, गरीव, दलित समुदायका मानिसहरुलाई सहयोग गर्दै आईरहेकी उपाध्यक्ष नाथले सोमबार मानिसिक रोगबाट पिडित १३ बर्षिया बालिका आदित्य सुनारको उद्धार गरी दृष्ट्रि फाउण्डेसनमा उपचारका लागि बुझाएकी हुन् । मानसिक रोगले पिडित आदित्य सुनार विरामी भएदेखि सडकपेटीमै बास हुदै आएको थियो । कैलालीको धनगढी उप महानगरपालिका १३मा रहेको दृष्ट्रि फाउण्डेसनले मानसिक रोगबाट बाट पिडित, सडकका बेसहारा, महिला, बृद्ध, बालबालिकाहरुको उपचार र हेरचाह गर्दै आईरहेको छ ।
उपाध्यक्ष नाथले दृष्ट्रि फाउण्डेसनमा बस्दै आएकाहरुका लागि ५० केजि चामल र १० केजि शखरसमेत सहयोग गरेकी छन् । उक्त सहयोग दृष्ट्रि फाउण्डेसनका कार्यालय प्रमुख कल्पनालाई हस्तान्तरण गरेका छन् । यो भन्दा अगाडि पनि उनले दृष्ट्रि फाउण्डेसनसंग सहकार्य गर्दै आईरहेका छन् । उपाध्यक्ष नाथले केहि दिन अघि पनि मानसिक रोगबाट पिडित तिन जनाको उद्धार गरी उपचारका लागि दृष्ट्रिफाउण्डेसनमा पु¥याएका थिए । उनीहरुमध्ये दुई जना रिकभरी भई घर फर्किसकेका छन् । भने एक जनाको उपाचार भईरहेको छ ।
‘खान पुगोस, दिन पुगोस’ भन्ने मुल नाराका साथ दृष्ट्रि फाउण्डेसनले समाजिक कार्य गर्नेहरुकालागि फराकिलो बाटो दिएको छ । फाउण्डेसनले विभिन्न दाताहरुको सहयोगमा मानसिक रोगबाट पिडितहरुको उपचार गर्दै आईरहेको छ । तिन महिना अगाडि बेलडाँडीकै रंग लाल सुनार र किरन सुनारलाई पनि उद्धार गरी उपचारका लागि दृष्ट्रि फाउण्डेसनमा पु¥याएकोमा उनीहरु दुवै जना सञ्चो भएर घर फर्किसेकेका छन् । घर फर्केका रंगलाल दमाई र किरन सुनारले आफ्नो जीवन पुनः प्राप्त गरेसरह मानेको भन्दै उपाध्यक्ष नाथलाई धन्यवाद दिदै हर्षबढाई गरेका छन् । किरन सुनार र उनका परिवार पालिकाकामै आएर आफ्नो कोही सहारा नभएको समयमा साथ सहयोग गरेको भन्दै उपाध्यक्ष नाथलाई धन्यवाद दिएका छन् ।
भौतिक पूर्वाधारको निर्माण मात्रै विकास नभएको उल्लेख गर्दै उपाध्यक्ष नाथले मानिसको ज्यान भएपछि मात्रै भौतिक विकासको कुरा आउने बताईन् । मानविय सेवामा कसैको पनि दृष्टि नपुगेको उपाध्यक्ष नाथले उल्लेख गरे । उपाध्यक्ष नाथले सडकमा बसेकाहरुको सहारा दिने दृष्ट्रिफाउण्डेनकी कल्पनालाई हार्दिक धन्यवाद ज्ञापन गरे ।
