कञ्चनपुर–३ मा रास्वपाका ज्ञानेन्द्र सिंह महता भारी मतका साथ विजयी
महेन्द्रनगर, कञ्चनपुर — कञ्चनपुर निर्वाचन क्षेत्र नम्बर ३ बाट राष्ट्रिय स्वतन्त्र पार्टी (रास्वपा)का ज्ञानेन्द्र सिंह महता प्रतिनिधि सभा सदस्यमा निर्वाचित भएका छन्। शनिबार सम्पन्न मतगणनाको अन्तिम परिणाम अनुसार महता १६ जना प्रतिस्पर्धीलाई पछि पार्दै भारी मतान्तरसहित विजयी भएका हुन्।मुख्य निर्वाचन अधिकृत राजेन्द्र सिंह भण्डारीका अनुसार महताले कुल २७ हजार ११८ मत प्राप्त गरेका छन्। उनका निकटतम प्रतिस्पर्धी नेपाली कांग्रेसका हरि प्रसाद बोहराले ९ हजार ४४३ मत प्राप्त गरेका छन्। महताले बोहराभन्दा झण्डै तेब्बर बढी मत ल्याएर विजय हासिल गरेका हुन्।
अन्य उम्मेदवारमध्ये एमालेका डा. दीपक प्रकाश भट्टले ७ हजार ५७५ मत, नेकपाका मानबहादुर सुनारले ४ हजार २८४ मत, राप्रपाका पूर्णबहादुर चन्दले ३ हजार ९०२ मत प्राप्त गरेका छन्।
यसैगरी नेमकिपाका मिनु गिरीले ४२, जनमोर्चाका लालबहादुर कुँवरले ८७, नेकपा संयुक्त...
