खेलकुद

कञ्चनपुर । नेपाल प्रिमियर लिग (एनपीएल) को दोस्रो संस्करणको उपाधि लुम्बिनी लायन्सले हात पारेको छ। त्रिवि क्रिकेट मैदानमा सम्पन्न फाइनलमा सुदूरपश्चिम रोयल्सलाई ६ विकेटले पराजित गर्दै लुम्बिनीले शानदार प्रदर्शनसहित च्याम्पियन बन्ने उपलब्धि हासिल गरेको छ। टस जितेर ब्याटिङ गरेको सुदूरपश्चिम रोयल्स १९.१ ओभरमै ८५ रनमा अलआउट भएपछि यस संस्करणको एनपीएलमा पहिलो इनिङ्समा बनेको सबैभन्दा कम स्कोरको चुनौती दिएको थियो । फाइनलजस्तो महत्वपूर्ण खेलमा कमजोर ब्याटिङ देखिँदा सुदूरपश्चिम लगातार दोस्रो पटक उपविजेतामा सीमित रहन बाध्य भयो। ८६ रनको सामान्य लक्ष्य पछ्याएको लुम्बिनी लायन्सले ९ ओभरमै ४ विकेट गुमाउँदै लक्ष्य पूरा गर्यो। ओपनर दिनेश अधिकारीले १३ बलमा १ चौका र ५ छक्का प्रहार गर्दै आक्रामक सुरुवात दिलाए। डार्सी सर्ट १४ रनमा आउट भए भने रोहित कुमार पौडेल १६ रनमा क्याच भए। सन्दीप जोरा डकआउट भए पनि निरोशन डिक...