सुदूरपश्चिम

कञ्चनपुर महेन्द्रनगर । आगामी फागुन २१ गते सम्पन्न हुने प्रतिनिधिसभा सदस्य निर्वाचनका लागि कञ्चनपुरको निर्वाचन क्षेत्र नं २ मा निर्वाचन अधिकृतको कार्यालय स्थापना गरिएको छ । शुक्लाफाँटा नगरपालिका वडा नम्बर १० को वडा कार्यालयमा शुक्रबार निर्वाचन अधिकृतको कार्यालय स्थापना गरिएको हो । निर्वाचन क्षेत्र नं २ मा एक लाख नौ हजार पाँचसय ७४ मतदाता रहेका छन भने ४३ वटा मतदान स्थल र एक सय २३ वटा मतदान केन्द्र रहेका छन । कार्यालय स्थापना भएसँगै निर्वाचन सम्बन्धिको काम सुरु भएको क्षेत्र नम्बर २ का निर्वाचन अधिकृत प्रकाश भण्डारीले बताए । उनका अनुसार, माघ ६ गते उम्मेदवारको मनोनयन दर्ताको समय तोकिएको छ ।...

कन्चन्पुर बैतडी, साहिलेक —“कपडा हुनेले सहयोग गरौँ, कपडा नहुनेले लगेर जानुहोस्”  भन्ने नारासहित बैतडीको साहिलेक दशरथ चन्द नगरपालीका मा ‘कपडा बैंक’ सञ्चालनमा आएको छ। स्थानीय युवाहरुको पहलमा सुरु गरिएको यो अभियानले समुदायमा सहयोग र सहानुभूतिको राम्रो उदाहरण प्रस्तुत गरेको छ।  कपडा बैंकको उद्देश्य घरघरमा रहेका प्रयोगयोग्य तर अनुपयोगी कपडाहरू संकलन गरी ती कपडाहरू आवश्यकताअनुसार अभावमा रहेका परिवारहरूलाई निःशुल्क वितरण गर्नु हो। कपडा बैंकका संयोजकका अनुसार, “हामीले कपडा मात्र बाँडिरहेका छैनौं, एक आपसमा सहयोग गर्ने संस्कृतिलाई विस्तार गर्दैछौं।” उनका अनुसार स्थानीय दाजुभाइ, दिदीबहिनीहरूले पुराना तर सफा कपडाहरू दान गर्दै राम्रो सहभागिता जनाइरहेका छन्। यो अभियान विशेष गरी जाडो मौसममा असहाय, वृद्ध, बालबालिका तथा विपन्न परिवारका लागि ठूलो राहत बनेको छ। स्थानीय बासिन्दा र सामाजिक ...

कंचनपुर बैतडी — “हुनेले दिने, नहुनेले लजाउन नपर्ने” भन्ने मूल उद्देश्यका साथ सुरु गरिएको कपडा बैंक साहिलेले सञ्चालनको  तीन वर्ष  सफलता पुर्ब  पूरा गरेको छ। समाजमा आर्थिक रूपमा कमजोर तथा आवश्यकता भएका व्यक्तिहरूलाई निःशुल्क कपडा उपलब्ध लक्ष्यसहित सुरु गरिएको यो अभियान आजसम्म आइपुग्नु सबैको सामूहिक प्रयासको परिणाम भएको कपडा बैंकले जनाएको छ। यस अवसरमा कपडा बैंक साहिलेका सदस्य उद्धव सिंह मार्कण्डले विभिन्न संघ–संस्था, सहयोगी दाताहरू तथा व्यक्तिगत रूपमा साथ, सहयोग र विश्वास प्रदान गर्ने सबैप्रति हार्दिक धन्यवाद व्यक्त गर्नुभएको छ। उहाँले हजुरहरूको माया, सहयोग र प्रेरणाकै कारण यो सामाजिक अभियान निरन्तर रूपमा अघि बढ्न सफल भएको बताउनुभयो। आगामी दिनहरूमा पनि यसैगरी सबैको माया, साथ र सहयोग प्राप्त भइरहनेछ भन्ने पूर्ण विश्वास लिइएको उहाँले उल्लेख गर्नुभयो। कपडा बैंकको सञ्चालनमा प्रत्यक्ष तथा अप्रत...

कंचनपुर महेन्द्रनगर – एनएमबी बैंकले शुक्लाफाँटा नगरपालिका–१० का अजय बिकको घर लिलाम गरेको प्रकरणमा ऋण स्वीकृत पत्र र मालपोत तथा भूमि सुधार कार्यालयमा धितो रोक्का गर्दा पेश गरिएका कागजातमा फरक–फरक रकम उल्लेख गरिएको तथ्य खुलेको छ।  बैंकले २०७५ कार्तिक २० गते अजय बिकलाई उपलब्ध गराएको कर्जा सुविधा प्रस्ताव पत्रमा आवास कर्जा शीर्षकमा २९ लाख ५० हजार रुपैयाँ ऋण दिएको उल्लेख छ। तर सोही दिन मालपोत तथा भूमि सुधार कार्यालयमा बिककी श्रीमती ज्ञानु विकको नाममा रहेको जग्गा धितो राखी तयार गरिएको दृष्टिबन्धक लिखतमा भने ३७ लाख रुपैयाँ ऋण लिएको देखाइएको छ।उक्त कर्जा प्रस्ताव एनएमबी बैंकको तत्कालीन कञ्चन डेभलपमेन्ट बैंक, झलारी शाखाबाट दिइएको हो। बैंकले ऋण सुविधा प्रस्ताव गरेको दिन नै ज्ञानु विश्वकर्माको नाममा रहेको जग्गा धितो राखी मालपोत कार्यालयमा रोक्का गराएको थियो। ऋण सुविधा पत्र र मालपोतमा पेश कागजातमा उल...

वेदकोट नगरपालिकाको आयोजनामा नगर स्तरीय छैटौं राष्ट्रपति रनिङ शिल्ड प्रतियोगिता २०८२ भव्य रूपमा सम्पन्न भएको छ। प्रतियोगितामा उत्कृष्ट प्रदर्शन गर्दै श्री बैजनाथ माध्यमिक विद्यालय जडेपानीले प्रथम स्थान हासिल गर्न सफल भएको छ।

कंचनपुर बेदकोट नगरपालिकामा महिलाको आयआर्जन र आत्मनिर्भरता अभिवृद्धि गर्ने उद्देश्यसहित सञ्चालन गरिएको डल कुसुम तालिम सफलतापूर्वक सम्पन्न भएको छ। बेदकोट नगरपालिकाका १० वडाबाट सहभागी २२ जना महिलालाई लक्षित गरी उक्त तालिम आयोजना गरिएको हो। तालिम समापन कार्यक्रममा बोल्दै बेदकोट नगरपालिकाका नगरप्रमुख तथा कार्यक्रमका सभाध्यक्ष भोजराज बोहराले महिलाहरूलाई आत्मनिर्भर बनाउने उद्देश्यले कार्यक्रम सञ्चालन गरिएको बताउनुभयो। छोटो समयको तालिम भए पनि सहभागीहरूले राम्रोसँग सिप सिकेको र सिकेका सीपलाई व्यवहारमा उतार्दै बजारसम्म बिक्री गर्न सक्ने क्षमताको विकास भएको उहाँको भनाइ थियो। महिलाहरू आत्मनिर्भर हुँदा समाजमा सम्मान र इज्जत बढ्ने उल्लेख गर्दै उहाँले आत्मनिर्भर महिलाले आफ्नो घरव्यवहार आफैँ चलाउन सक्ने बताउनुभयो। साथै, आगामी दिनमा थप तालिमको व्यवस्था गरिने पनि जानकारी दिनुभयो। यसैगरी बेदकोट नगरपालि...

कंचनपुर बैतडी– नेपाली सेनाले बैतडी जिल्लाको देवलहाटमा रहेको ऐतिहासिक पीपल चौतारोलाई पुनःनिर्माण गरी स्थानीय समुदायलाई हस्तान्तरण गरेको छ। जीर्ण अवस्थामा पुगेको ऐतिहासिक शिला र चौतारोलाई बैतडीस्थित श्रीबक्स गुल्मले पुनःनिर्माण गरेको हो। बैतडी सदरमुकाम नजिकै अवस्थित उक्त चौतारो ऐतिहासिक तथा सांस्कृतिक दृष्टिले महत्वपूर्ण रहेको बताउँदै श्रीबक्स गुल्मका गुल्मपति सफल थापाले नेपाली सेनाको शीघ्र प्रभावकारी योजना अन्तर्गत पुनःनिर्माण कार्य सम्पन्न गरिएको जानकारी दिए। नेपाल एकीकरणको समयमा भारतको अल्मोडाबाट करिब ४५ किलोमिटर उत्तरतर्फ गणनाथ मन्दिर नजिक अंग्रेजसँगको लडाइँमा वीरगति प्राप्त गरेका हलदल शाह र उनका छोरा नन्दुको काजक्रिया यही पीपलको रुखमुनि गरिएको इतिहास शिलालेखमा उल्लेख छ। साके संवत १७३७ मा उनीहरू वीरगति प्राप्त गरेपछि हलदल शाहकी श्रीमती सति गएको तथा महाकाली नदीमा दाहसंस्कार गरिएपछि...

कन्चन्पुर महेन्द्रनगरमा बसेर अध्ययन गर्दै आएका बाजुराका १२ वर्षीय रमित लुहार एक सातादेखि बेपत्ता भएको विषयमा सौगात न्युजले दुई दिनअघि (मंसिर २४ गते) समाचार प्रकाशित गरेको थियो। उक्त समाचार प्रकाशित भएको दुई दिनपछि रमित सकुशल फेला परेको जानकारी प्राप्त भएको छ। रमित धनगढीस्थित निसर्ग अस्पतालको छेउमा रहेको होटल ‘लक्की’ मा फेला परेको उनका परिवारले जानकारी दिएका छन्। रमितकी आमा बुदीदेवी लुहार र उनका दाजु मनोज लुहार ले सौगात न्युजसँग कुरा गर्दै रमित सुरक्षित अवस्थामा फेला परेको बताएका हुन्। छोराको खोजीमा आमा बुदीदेवी लुहार महेन्द्रनगरका गल्ली–गल्ली भौतारिँदै पत्रकारहरूसँग भेटघाट गरी सहयोगको आग्रह गर्दै आएकी थिइन्। साथै रमितका दाजु मनोज लुहारले जिल्ला प्रहरी कार्यालय कञ्चनपुरमा खोजीका लागि निवेदनसमेत दिएका थिए। जिल्ला प्रहरी कार्यालय कञ्चनपुरका प्रहरी प्रमुख खडक खत्री ले रमितको खोजी तलासी क...

कञ्चनपुर । जिल्ला प्रशासन कार्यालय कञ्चनपुरमा विपद् जोखिम न्यूनीकरणसम्बन्धी बैठक सम्पन्न भएको छ। बैठकमा स्थानीय तहका नगर प्रमुख, राजनीतिक दलका प्रतिनिधि, विभिन्न कार्यालय प्रमुख, संघ–संस्थाका प्रतिनिधि तथा पत्रकारहरूको उपस्थिति रहेको थियो। बैठकमा सहभागीहरूले आ–आफ्ना धारणा राख्दै आफ्नो–आफ्नो पालिकामा देखिएका विपद् सम्बन्धी समस्या, जोखिमका अवस्था र न्यूनीकरणका उपायबारे जानकारी गराएका थिए। विशेषगरी बाढी, डुबान, आगलागी, चट्याङलगायत प्राकृतिक विपद्का कारण उत्पन्न चुनौतीहरूबारे छलफल गरिएको थियो। यसै क्रममा प्रमुख जिल्ला अधिकारी मदन कोइरालाले विपद् व्यवस्थापनमा पूर्वतयारी, समन्वय र साझा प्रयासको आवश्यकता औंल्याउनुभयो। उहाँले सबै सरोकारवाला निकायबीच सहकार्य गर्दै जोखिम न्यूनीकरणका लागि समयमै योजना निर्माण र कार्यान्वयन गर्नुपर्नेमा जोड दिनुभयो। साथै, विपद्का बेला जनधनको क्षति न्...

विरेन्द्र बाग, महेन्द्रनगर । प्रेस चौतारी नेपालका केन्द्रीय सदस्य तथा कञ्चनपुर जिल्ला इन्चार्ज पत्रकार  देवराज सावदले फरक क्षमता भएका बालबालिकाहरुलाई खाजा तथा फलफुल वितरण गरेका छन् । बिहिबार भीमदत्त नगरपालिका–१८ जानकी टोलस्थित अमर शहीद आधारभूत विद्यालयमा अध्ययनरत फरक क्षमताका बालबालिकालाई पत्रकार सावदले खाजा तथा फलफूल वितरण गरेका छन् । सामाजिक कार्यअन्तर्गत विद्यालयमा विशेष शिक्षाअन्तर्गत अध्ययनरत फरक फरक क्षमता भएका बालबालिकालाई खाजासँगै फलफूल वितरण गरिएको केन्द्रीय सदस्य सावदले बताए । पुसेलो डट कमका प्रधान सम्पादकसमेत रहेका सावद सामाजिक तथा मानवीय कार्यमा सक्रिय रहँदै आएका छन् । उनले फरक क्षमताका बालबालिकाको शिक्षा, स्वास्थ्य र पोषणमा सबै पक्षको साझा दायित्व रहेको उल्लेख गर्दै यस्ता सामाजिक कार्यलाई निरन्तरता दिने प्रतिबद्धता व्यक्त गरे। कक्षा ५ सम्म अध्यापन हुने अमर शहीद आधा...