सुदूरपश्चिम

कञ्चनपुर-  देशभरि विभिन्न थरीका महोत्सव हुँदै आएका छन्, तर सुदूरपश्चिम महोत्सवले वर्षौँदेखि पाएको जनअपेक्षा र भीडले यसलाई अझै पनि विशेष बनाइदिन्छ। कैलाली उद्योग वाणिज्य सङ्घले आयोजना गर्दै आएको सुदूरपश्चिम महोत्सव अब प्रदेशको साझा पर्व जस्तै भइसकेको छ। यो वर्ष महोत्सव आफ्नो १९औं संस्करणमा प्रवेश गर्दैछ, आगामी पुस २२ गतेबाट सुरु हुने तयारीले अहिले कैलाली नै उत्सवमय बनेको छ । उद्योग वाणिज्य संघका अध्यक्ष पुष्करराज ओझाका अनुसार यसपटकको महोत्सव अघिल्ला वर्षभन्दा थप भव्य र आकर्षक हुनेछ। उनी भन्छन्, “हामी अन्तिम तयारीमा छौँ। स्थानीय उत्पादन, संस्कृतिको प्रस्तुति र उद्यमशीलतालाई अझै प्राथमिकतामा राखेका छौँ। सुदूरपश्चिमको पहिचानलाई राष्ट्रिय स्तरमा पुर्याउने उद्देश्य राखेका छौँ।” महोत्सवमा करिब ५५० स्टल रहनेछन्। तीमध्ये ठूलो भाग स्थानीय उद्यम, घरेलु उत्पादन र कृषि नवप्रवर्तनका लागि छुट्याइएको छ।...